„ეკონომიკური და გარემოსდაცვითი სარგებელი მიწის მდგრადი მართვის გზით მოწყვლადი თემებისათვის საქართველოში“

გარემოს დაცვისა და სოფლის მეურნეობის მინისტრის მოადგილე ოთარ შამუგია, ქ. გორში, პროექტის „ეკონომიკური და გარემოსდაცვითი სარგებელი მიწის მდგრადი მართვის გზით  მოწყვლადი თემებისათვის საქართველოში“ მიმდინარეობას გაეცნო. პროექტის საპილოტე მუნიციპალიტეტები: გორი, ქარელი, ყვარელი და საგარეჯოა.

„საპილოტე პროექტის მიზანია მიწის მდგრადი მართვის დანერგვა და შესაძლებლობების გაძლიერება; ასევე, ნიადაგის დეგრადაციის საწინააღმდეგო ღონისძიებების განხორციელება და ამ მიმართულებით ცოდნის გაზიარება, რამაც, თავის მხრივ, საქართველოს ბუნებრივი და ეკონომიკური კაპიტალის დაცვა უნდა უზრუნველყოს. პროექტში მონაწილეობა 100-მდე ფერმერმა მიიღო. ფერმერებს, გლობალური გარემოსდაცვითი ფონდის დაფინანსებით და კავკასიის რეგიონალური განვითარების ცენტრის მხარდაჭერით,  უსასყიდლოდ გადაეცათ სხვადასხვა სათესლე მასალა და ნერგები ქარსაფარი ზოლების გასაშენებლად. ჩვენ ვიზრუნებთ, რომ ასეთ პრაქტიკა სხვა რეგიონებშიც დაინერგოს და მეტი ფერმერი დაინტერესდეს მსგავსი ღონისძიებებით“, - განაცხადა ოთარ შამუგიამ.

მიმდინარე პროექტის ფარგლებში, გორის მუნიციპალიტეტში, 2020 წლის დეკემბერში, 2935 მეტრი ქარსაფარი ზოლი გაშენდა, 6 ფერმერს უსასყიდლოდ გადაეცათ ნერგები და შესაღობი მასალა. 2020 წლის ოქტომბერში, გორში მდებარე 75 ჰა ფართობის სასოფლო-სამეურნეო დანიშნულების მიწა ნიადაგის დაუმუშავებლად დაითესა,თესვის ხარჯი სრულად დაფარა პროექტმა.

საპილოტე პროექტის განხორციელება  2018 წლის 18 მარტს დაიწყო და  2023 წლის 18 მარტს დასრულდება. პროექტის ინიციატორია საქართველოს გარემოს დაცვისა და სოფლის მეურნეობის სამინისტრო; პროექტი დაფინანსებულია გლობალური გარემოსდაცვითი ფონდის (GEF) მიერ; განმახორციელებელი სააგენტოა გაეროს გარემოსდაცვითი პროგრამა (UN Environment), ხოლო აღმასრულებელი ორგანიზაცია „კავკასიის რეგიონული გარემოსდაცვითი ცენტრი“ (REC Caucasus).

მსგავსი პოსტები ყველას ნახვა

12 მაი

✔ როცა უძრავი ქონება იყიდება ნდობით, ხარისხით და კონფიდენციალურობით

MBG Group — უძრავი ქონების განსხვავებული სტანდარტი საქართველოშიუძრავი ქონების ბაზარზე დღეს ბევრი კომპანია ცდილობს ყურადღების მიქცევას ხმაურიანი ვიდეოებით, მასობრივი რეკლამებითა და მაქსიმალური საჯაროობ...

30 აპრ

🍇 მევენახეობა საქართველოში — მზარდი ინვესტიცია, რომელიც ყოველწლიურად ძლიერდება

საქართველო საუკუნეების განმავლობაში ცნობილია როგორც ღვინის სამშობლო, ხოლო დღეს მევენახეობა უკვე მხოლოდ ტრადიცია აღარ არის — ეს არის ერთ-ერთი ყველაზე მზარდი და სტაბილური საინვესტიციო მიმართულება ქვეყან...

21 ნოე

🍇 ქვეყანა - პატარა საქართველო - რომელსაც 33 ყურძნის მიკროზონა აქვს 💜

🍷 საქართველოში უკვე 33 მიკროზონა – რას ნიშნავს ეს?საქართველოში დარეგისტრირებულია დაცული ადგილწარმოშობის ღვინოების დასახელების - 33 მიკროზონა: 🍇 ქინძმარაული, მანავი, კახეთი, ნაფარეული, თელიანი, მუ...