გოდერძი

20451

გოდერძის უღელტეხილი

უღელტეხილი საქართველოში. მდებარეობს აჭარის ავტონომიური რესპუბლიკის ხულოს მუნიციპალიტეტში, არსიანის ქედზე, მდინარე ქვაბლიანის მარჯვენა შენაკადის — ძინძისწყლის სათავეში. სიმაღლე 2025 მ. აგებულია ზედაოლიგიცენურ-ქვედამიოცენური ვულკანოგენური წყებით, რომელიც შეიცავს განამარხებულ ფლორას (ე. წ. გოდერძის წყება). გოდერძის უღელტეხილის კალთები ციცაბო და დანაწევრებულია. შემოსილია მეორეული სუბალპური მდელოებით.
გოდერძის უღელტეხილზე გადის ბათუმი-ახალციხის საავტომობილო გზა.

2012 წელს გოდერძის უღელტეხილზე სამთო-სათხილამურო კურორტის მშენებლობა დაიწყო, რომელიც 2015 წლის დეკემბერში დასრულდა. კურორტზე სასტუმროს ტიპის 6 კოტეჯია განთავსებული. კურორტს რეგიონში ყველაზე გრძელი სათხილამურო ტრასა აქვს. საბაგირო გზის ყველაზე მაღალი ადგილი კი ზღვის დონიდან 2350 მეტრზეა.
გოდერძის სამთო – სათხილამურო კურორტზე არის 3 სათხილამურო ტრასა, ლურჯი - INTERMEDIATE-დახრილობა 25%, წითელი- ADVACED-დახრილობა 40%. ფუნქციონირებს 2 საბაგირო, 1 გონდოლას ტიპის, 1 ბაბლი - 6 კაციანი. ტრასების საერთო სიგრძე 8 კილომეტრია და ზღვის დონიდან ყველაზე მაღალი წერტილი - 2366 მეტრია.
კურორტზე 7 სასტუმრო კოტეჯი ფუნქციონირებს. ამასთან 2016 წელს საძირკველი ჩაეყარა და მიმდინარეობს დასასვენებელი კომპლექსის „ალიანს რეზორტის“ მშენებლობა. 100 ნომრიანი „ალიანს რეზორტი“ 3 120 კვ.მ ტერიტორიაზე შენდება და ერთდროულად 250-მდე დამსვენებლის მიღებას შეძლებს.
სამთო-სათხილამურო კურორტი გოდერძი 2015 წელს გაიხსნა და მას წელიწადში 20 ათასზე მეტი ადამიანი სტუმრობს.
გოდერძი საქართველოს სხვა სამთო-სათხილამურო კურორტებისგან უხვთოვლიანობით გამოირჩევა. პირველი თოვლი აქ ნოემბერში მოდის და სათხილამურო სეზონი დეკემბრიდან აპრილამდე გრძელდება.
გოდერძი იდეალური ადგილია ზამთრის ექსტრემალური სპორტის მოყვარულთათვის. ულამაზესი ხედები, სუფთა ჰაერი, საინტერესო სათხილამურო ტრასები ბევრ მოთხილამურეს იზიდავს. გაუკვალავ თოვლში სრიალის მოყვარულებში ნამდვილ აღტაცებას იწვევს კურორტის დათოვლილი ფერდობები.
კურორტს რეგიონში ყველაზე გრძელი სათხილამურო ტრასა აქვს. ტრასის საერთო სიგრძე 8 კმ-ია. მუშაობს ორი სახის საბაგირო გზა – რვა ადგილიანი გონდოლა და ექვს ადგილიანი ბაბლი. გოდერძიზე შესაძლებელია თხილამურის, ციგის, სნოუბორდის დაქირავება, ასევე – ინსტრუქტორის მომსახურებით სარგებლობა.
სულ მალე კურორტი ერთდროულად 7000 მოთხილამურის მიღებას შეძლებს. მათ განკარგულებაშია კომფორტული კოტეჯები და სასტუმროები, კეთილმოწყობილი ინფრასტრუქტურა, საბაგირო გზები.
კურორტზე სეზონი მაშინაც კი გრძელდება, როდესაც თოვლი დნება და მოთხილამურეები ტოვებენ მთის ფერდობებს. ზაფხულში აქ ჰაიკინგი, ცხენითა და ველოსიპედებით სეირნობა, წინასწარი დაკვეთის შემთხვევაში კი პარაპლანით ფრენაც შეიძლება.