21 ნოე 2025

🍇 ქვეყანა - პატარა საქართველო - რომელსაც 33 ყურძნის მიკროზონა აქვს 💜

🍷 საქართველოში უკვე 33 მიკროზონა – რას ნიშნავს ეს?

საქართველოში დარეგისტრირებულია დაცული ადგილწარმოშობის ღვინოების დასახელების - 33 მიკროზონა:

🍇 ქინძმარაული, მანავი, კახეთი, ნაფარეული, თელიანი, მუკუზანი, წინანდალი, ახაშენი, გურჯაანი, ხვანჭკარა, ატენი, სვირი, ვაზისუბანი,

კარდენახი, ტიბაანი, ტვიში, ყვარელი, კოტეხი, ხაშმის საფერავი, ბოლნისი, სალხინოს ოჯალეში, ახმეტა, წარაფი, ახოები, მაღრაანის ქისი,

ოყურეშის უსახელოური, ზეგაანი, ასურეთული შალა, ოკამი, ობჩა, ლეჩხუმი, რაჭა და სიას ახლახან დაემატა – საზანოს ოცხანური.

👇 ეს იმას ნიშნავს, რომ ამ კონკრეტულ ტერიტორიებზე წარმოებული ღვინო არა მხოლოდ ბრენდია, არამედ დაცული წარმოშობის,

უნიკალური ტერუარის პროდუქტი – თავისი წესებით, რეგლამენტით და ხარისხის სტანდარტებით.

🌍 ხშირად გვკითხავენ: რა არის ტერუარი?

ან კიდევ: „როგორია ელიტარული საფერავი?“

_ ძალიან მნიშვნელოვანია გავიგოთ, რომ, ტერუარი არ არის მხოლოდ ერთი ყურძნის ჯიში;

_ ტერუარი და მიკროზონა არ ნიშნავს ერთ კონკრეტულ ჯიშს (საფერავი, რქაწითელი და სხვ.);

_ ტერუარი არის გარემო პირობებისა და ადამიანის მიერ არჩეული მეურნეობის მეთოდების ერთობლიობა,

რომელიც განსაზღვრავს, როგორი იქნება კონკრეტულ ვენახში მოწეული ყურძენი და მისგან მიღებული ღვინის სტილი,

სტრუქტურა და გემო.

🧱 ტერუარი – სისტემაა, არა ერთი ფაქტორი

ტერუარი არ არის ერთი დეტალი – ეს არის მთლიანი სისტემა, რომელიც შედგება რამდენიმე ძირითადი კომპონენტისგან:

_ ნიადაგი – ფიზიკური და ქიმიური შემადგენლობა.

_ ქვიშნარი, თიხა, კირქვა, შელი და სხვა მინერალები.

_ სტრუქტურა და დრენაჟი – კარგად ატარებს ან აკავებს წყალს.

_ მინერალები -- რამდენად ღრმად შლის ფესვებს ვაზი ნიადაგში.

_ გავლენას ახდენს წყლის მიწოდებაზე – ვაზი სტრესშია თუ დაბალანსებულად იკვებება

_ პირდაპირ მოქმედებს ყურძნის კონცენტრაციაზე, მჟავიანობაზე და ტანინების სტრუქტურაზე.

_ კლიმატი და მიკროკლიმატი, წლიური ტემპერატურა, ნალექების რაოდენობა, ტენიანობა.

_ განსაზღვრავს შაქრის დაგროვების და მჟავიანობის შემცირების ტემპს.

⛺ სიმაღლე ზღვის დონიდან და რელიეფი, ფერდობის დახრა

– რამდენად არის ვენახი მზისკენ შებრუნებული (სამხრეთი, სამხრეთ–აღმოსავლეთი და ა.შ.)

_ ხეობები, მდინარეთა სიახლოვე, ღამის გრილი ჰაერის ჩამოსვლა

_ უფრო მაღალი სიმაღლე ხშირად ნიშნავს გრილ ჰავას და უკეთეს მჟავიანობას

ამ ყველაფერმა ერთად შეიძლება ერთსა და იმავე ჯიშს მისცეს ან უფრო ელეგანტური, ან უფრო ძალზე კონცენტრირებული სტილი

ყველაფერი ეს განსაზღვრავს ყურძნის სრულფასოვან დამწიფებას – არა მხოლოდ შაქარს, არამედ ფენოლურ სიმწიფეს.

ქმნის არომატულ პროფილს – უფრო მწიფე, ტროპიკული, ან უფრო ცივი, ციტრუსოვანი, ბალახოვანი ტონები.

სხვა სიტყვებით, ტერუარი არის „ადგილთან მიჯაჭვული იდენტობა“, რომელიც ბოთლში ისხმება.

☘ ვენახის მოვლის ტექნოლოგია – ადამიანის ფაქტორი

თანამედროვე გაგებით, ტერუარში ხშირად შედის მეურნეობის მართვის სტილიც:

_ გასხვლის სისტემა.

_ დატვირთვა ძირებზე – რამდენი მტევანია ჰექტარზე.

_ მექანიზებული თუ ხელით მოვლა.

_ ბიო / ორგანული / ინტეგრირებული მეურნეობა.

_ სარწყავი რეჟიმი – წვეთოვანი, უარწყავი, სრულად სარწყავი და სხვ.

🍇 როგორ „ჩანს“ ტერუარი ღვინოში?

ტერუარი პირდაპირ აისახება ღვინოში:

_ სტილში – მსუბუქი თუ მძიმე, მაღალი თუ დაბალი ალკოჰოლი, მაღალი თუ დაბალი მჟავიანობა.

_ არომატებში – მინერალური, ხილის, ყვავილოვანი, ბალახოვანი, სანელებლური ტონები.

_ სტრუქტურაში – ტანინების სიმკაცრე ან რბილობა, სხეულის სიმკვრივე, გემოს ხანგრძლივობა.

_ ტიპურობაში – ღვინო იძენს ისეთ პროფილს, რომ უკვე შეიძლება ამოვიცნოთ, რომ ის კონკრეტული მიკროზონიდან,

სოფლიდან ან კონკრეტული ნაკვეთიდან არის.

სწორედ ამიტომ ვამბობთ, რომ ტერუარი ბოთლში „საუბრობს“ იმ ადგილის ენაზე, სადაც ვაზი გაიზარდა.

🏞️ რას ნიშნავს „ელიტარული საფერავი“?

_ როცა ვსაუბრობთ ელიტარულ საფერავზე, საქმე არა მხოლოდ ძველი ჯიშის „ელიტურობაშია“, არამედ იმაში, რომ:

_ ვაზი იზრდება ტერუარით გამორჩეულ მიკროზონაში

_ დაცულია აგროტექნოლოგიური ნორმები

_ ვენახი არ არის გადატვირთული მოსავლით

_ ყურძენი მიდის არა რაოდენობაზე, არამედ ხარისხსა და კონცენტრაციაზე

_ ამას კარგად აჩვენებს „ქინძმარაული“ დასახელების ღვინის მაგალითი.

📌 ქინძმარაული – როგორ ყალიბდება მაღალი კლასის საფერავი?

🍇 ყურძნის ჯიში: მხოლოდ საფერავი

_ „ქინძმარაული“ - ღვინის დასახელების მისაღებად, ყველა პირობის გათვალისწინებით,

დაცული უნდა იყოს კონკრეტული რეგლამენტები.

_ გავრცელების არეალი: ზღვის დონიდან 250–550 მეტრი.

_ დარგვის სქემა: _ 3,0 x 1,5 მ; _ 2,5 x 1,25 მ; _ 2,5 x 1,5 მ

_ სიმაღლე: 70–90 სმ.

_ სხვლის ფორმა: ქართული ორმხრივი შპალერი.

_ დატვირთვის ნორმა: 1 მ²-ზე: 8–10 კვირტი.

_ 1 ჰა-ზე: დაახლოებით 80–100 ათასი კვირტი.

_ მოსავალი: 1 ჰა-ზე: 7–8 ტონა.

👇 ეს ნიშნავს, რომ:

ვაზი არ არის გადატვირთული,

ყურძენი აგროვებს კონცენტრირებულ არომატსა და ფერს,

ღვინო ინარჩუნებს ქინძმარაულის მიკროზონისთვის დამახასიათებელ ტკბილ,

ხავერდოვან სტილს, დაბალანსებულ ტანინებსა და მდიდარ ხილის არომატს.

აქ უკვე ერთდროულად მუშაობს:

ნატურალური გარემო + სწორი მენეჯმენტი = ტერუარისეული, ამოიცნობადი სტილი.

🧭 დასკვნა – რატომ არის ტერუარი ასეთი მნიშვნელოვანი?

თუ ერთ წინადადებაში შევაჯამებთ: ტერუარი - არის გარემო პირობებისა და მართვის სისტემის ერთობლიობა,

სადაც ვაზი იზრდება: ნიადაგი, კლიმატი, რელიეფი, სიმაღლე, მზის რეჟიმი და მეურნეობის სტილი.

სწორად შერჩეული მიკროზონა + მართვა = მაღალი დამატებული ღირებულებას

– ეს ზუსტად ის ობიექტებია ~ რომელსაც MBG Group საქართველოში ექსკლუზიურად წარმოადგენს:

🍇 ვენახები, მარნები, ქარხნები და შატოები, რომლებიც სწორედ ტერუარის ძალაზე დგას.

მსგავსი პოსტები ყველას ნახვა

13 ოქტ

„ისტორიისა და ინვესტიციის საერთო ენა — MBG Group.“

✨ MBG Group — იქ, სადაც ლაქშერი ინვესტიციები იბადებაჩვენ ვართ ბრენდი, რომელსაც სანდოობითა და მაღალი კლასის პორტფელით ენდობიან როგორც ადგილობრივი, ისე საერთაშორისო ინვესტორები.MBG Group წარმოადგენს უძრ...

5 აგვ

📊 MBG -ის ანალიტიკური ხედვა: გამოსავალი უძრავი ქონების სტაგნაციისგან – სახელმწიფოს ჩართულობით

📉 2025 წლის აგვისტოში უძრავი ქონების ბაზარი საქართველოში პრაქტიკულად გაჩერებულია. გაყიდვები შემცირებულია, მშენებლობები შეჩერებულია, ინვესტორები და მყიდველები სიფრთხილით აკვირდებიან პროცესებს. 👉 ამ რ...

5 აგვ

📉 უძრავი ქონების ბაზარი 2025: გაჩერებული პოზიცია და სიფრთხილით მოქცეული მოთამაშეები

📉 უძრავი ქონების ბაზარი 2025: გაჩერებული მდგომარეობა და სიფრთხილით მოცული მოთამაშეები2025 წლის აგვისტოში საქართველოს უძრავი ქონების ბაზარი სახიფათოდ ჩამოცილდა წინა წლების დინამიკას. აქტივობა თით...